آولاق
چاغاقام اوقو دان گِلمده هرگون
ایيه‌ردیم ایميتم ،گیده‌رديم غویونا
تایاق یرينه کتاب اِليمده هرگون
باراردئم خوش بولوپ مال لارئنگ تویونا
گؤرکينه گـؤز یتمه‌ز آوادان یایلئم
رنگ به رنگ اوُتلارا بزأپدی اؤزین
باغشی لار خوش بولوپ آیتسالار آیدئم
غوشلاردا آغاچ دا چالیاردی سازئن
شیله بگنج گونله‌نگ بیرينده آتام
سِره آلئپ گلدی بیر گؤه‌زل گِچی
شادلئق دان آسمانا دِگیپ دی دِپأم
سبأبی حایوانئنگ بوغاز دی ایچی
آی گون گچیپ حایوان دوغوردی آولاق
غولاق لاری سالپی، رنگی بولسا آق
مِنگ اوچین اوُنگ دوغشی آیراتین دوغماق
گؤرکينده یالنگیز دی، هیچ اونگا تایی یوق
من بیلن آولاغئنگ دوستلئغی برکأپ
دایاندی گویچ لندی گون به گون آرتئپ
گؤرمه‌سم بیر زامان یوره‌گیم اِرأپ
بینیم ده دؤرأردی پیس پيکير دارتئپ
آی گچدی، گون گچدی اولالدی حایوان
اول ایندی آولاق دأل بولوپدی تِکه
اول مانگا باقیاردی، من بولسا حایران
گؤیأکی بيلیأردی من غالجاق یکه
شیله بیر گونلرده گلدی بیر غاصّاپ
سوراشدی آتام دان تِکأنگ غیماتئن
یتمه‌ز باهاسئنا هیچ بیر سان حساب
دیييپ سِسله‌نديم من ايیديرمرين اِتین
تِکأنگ شاخلارئندان توتوپدی جلـّاد
زور بیلن ساقلاپدی آتام دا منی
تِکه دن اِشتيلیأن آیلئغانچ پریاد
یوره‌گيمه غوُر غویدی پارالاپ تنی
*****
تکه:بز نر
آیلغانچ:صدای مهیب
غور:زغال گداخته
از نظرات و پیشنهادهای سازنده شما استقبال می کنم