شی تایدا یرلی بیلیارین بوتین منگ قوشغی لارمی اوقیان دوست لاریمدان کوب منت دارلیغمی بلدرین .شیله ده داشاری یورتلارده یاشایان ایلدشلاریمدان شو قوشغی لاری شول یورتلارینگ دللارینا ترجمه ادماگلارنی ایستایارین . کوب ساغ بولینگ دوغانگیز جمال الدین صحنه
قالام
سوزلرینگ دوغری سین یازیب بیلماسنگ
قالام سننگ ایشنگ دمیب اُترماق
کسگیر قلیچ یالی کسیب بیلماسنگ
نه حاجات سیانگی سیا باترماق
یازمالی سنگ خور خومسالانگ سوزلرین
گُرمالی سنگ یاشلی یتیم گوزلرین
دویماسانگ قشلارینگ آجی بوزلارین
نه گرگ میش دانگنگ دیگجه آترماق
ملایمجه دویغی مهربان یورگ
ایلکی بادا یاغشی یاشاماق گرگ
انسانی کمسدیب آغیردما درگ
دگرلی بولمازمی دردی قوتارماق
یگیت دور قارّی دور آزمی کان یاشی
سیلاما لایق دور مسلمان کیشی
عاشقنگ معشوقا قیلمالی ایشی
یاغشی سین یایب دا عیبن باسرماق
کاته لار اُویدگشیار اِچیمده دویغی
جانیمی گورامدن دُیب بیگانا
اِچیمده مونگ حاسرات باشیمدا قایغی
یتریان یولیمی دُشیان آزارا
بو گون هم گلیب گچدی اُونکی لار یالی
نصیب ادیب یتساگ اِرتی ده گچر
خوشلیق تاپلمایار الکی لار یالی
شادلغینگ شمعنی اُفله سگ اُچار
غام بولمانا بیزلر تابیاس باهانا
هزلّی گونلارینگ بیلمان قادرین
قارا عایناق گوزده باقیاس جاهانا
چالشیاس قش بیلان یل لانگ باهارین
دنیا بیر آینا دور سن گلسنگ گُلار
گُل سن بو گون دنیا توتلما هرگیز
امید سیز دنیاننگ گُل لاری سُلار
شاد بولیب یاشاغین گیجه هم گوندیز
قار
گِلان سونگ قش پاصیل شاد بولیب دایخان
گتردی اُودین چوب قوران سونگ پِشی
کوب واغت باری یاغمان قسغانان آسمان
گوزنده بوز بولیب دُنگیب دی یاشی
الین سریب دایخان دله دی قاری
رحمت قلیب ایندر بولماسین اَپات
جمله ماخلوق انسان یر آسمان باری
یاشاسین نغمات دا خوش بولیب راحات
سیز دلانگ من برجاگ دین اللهیم
سچدی آقجا قاری یره آسماندان
گینیب طوی اشگ داغ جلگه باغ هم
دُزلاره دُلیبدی لغل مرجان دان
داشلارینگ اُستنده آقجا بوقجا لار
گویا کی سوغات دی طویمزا گلان
قارلار اِراب دامیان دُردگ دامجالار
بارق وران آلمازدی گوزلامیز دلان
جوان
یولیم دُشیب باردیم دنگیز کنارا
بیر یگید اتیرمیش باشی غصه لی
سالیب جوان باشین قایغی آزارا
یورگی حاسراتمیش دلی قِصّه لی
سلام بریب باردیم یگید یاننا
سلامما سلام قایتاردی جوان
گویا کی جان گلدی دامار قاننا
دم آلدی اوزاق دان گچریب زامان
گرلاشدیگ تانیشدیق بیرگ بیرگا
هر کیم اوز ایشندن آید انسونگ سوزی
یگیدینگ آخمری دُشیب یورگا
قزاریاردی گوزی قارالیب یوزی
اون آلتی یل دینمان اُقیدم اُقو
ایز یاندان یولّانیب واطان قوللیقا
خیالمدا دُراب مونگ درلی آرزو
دِگمزدن دانگ آتدی ینگسام یاسّقا
هاولیقدم الکی لار اقونگ سونگنا
سونگرالارگچمادی قوللیقینگ چاغی
بو گون گلدیم دیسم ایلّانگ دنگنا
سولیب دور آرزو لام قورییب باغی
دیدم بو دنیا دا گرگمیز امید
امید سیز یاشایش اولیم دور یتم
بیر پیره قول بریب بولسانگ دا مرید
ایلنگه گنگشده اوزنگ توت توتم
بیزلره جان برن ال بیگ تانگری
بنداننگ زحماتین قیلمایار ضایا
بو گون آرا مؤمن لار گُرسه ده گُرگی
باریسی سیناو دور یتارلار پایا
ارتیر سحر وقتی اویقی دان ترمان
اوستنه گون دغیب یاتان یالتا سن
اندیشه لی غملی یورگی آرمان
قایغی دریاسندا باتان یالتا سن
شو گون ادجاگ ایشن ارتا آشیران
یوز مونگ اوین بیلان عایبن یغشران
هر بیر یالان سوزی دوغرا یا بشران
اوز بورجین ایل اوسته آتان یالتا سن
نیره گیددنگ نیرده منزل توتندینگ
ایشنگدن قاچیب سن نیرده بوقندینگ
یا دوغرسی ایشله ماگه اوتاندینگ
گم بولیب دنیادا یتان یالتا سن
آیدم سازی سس لیق بیلان دینگله یان
ایش ادمانی ایش چی لری گنگله یان
پکری پُس باغلایب کونگلی هنگله یان
خور بولیب دنیا دن اوتان یالتا سن
خیال لارنی قانات بریب اُچران
دنگیز داغدان یلدریم تک گچرن
تشنه لری سالغین سودان اِچران
دنیاننگ دورد کنجین سوکان یالتا سن
آلتین کوش چارغاد پارچا آلمانی
سوز برنگدا سن وقتندا گلمانی
یاغشی یامان سویگی صحبت بیلمانی
سور یارینگ باغرین یاکان یالتا سن
انه آتا قارداش یاکیننگ یادینگ
سنی سیلاب توتماز میلسده آدینگ
اشتار گمان ادما فریادینگ دادینگ
باش بلای لاب حاسرات چکان یالتا سن
آزاجیق بیلنگه آغرام سالانگدا
اورلیب اوینگه غمگین گلانگدا
یار سانگا یلغریب سنده گُلانگده
خوش بولیب آسمانا بوکان یالتا سن
ساریجا یاپراق
گویز پاصلندا آغاچ داقی یاپراق لانگ
خازان چالیب باری قاچیب دی دُزه
بوتین جنگل اهلی شاخا توپراق لانگ
قلب لاری غصّا دان بولیب دی یارا
قارا یل دُمانلی آویلی گویزده
گُردم بیر ساریجا آوادان یاپراق
الّاری شاخا دا گوره سی ایزده
یالنگیزجا آرزوسی یابشیب قالماق
امّا یل یاپراقا برمادی آمان
نازلیجا الّارین قوپاریب باغدان
شول بادا یاپراجیق چیغیردی یامان
سسنه سس گلدی توقایدان داغدان
شاخا دان آیرشان ساری یاپراجیق
قمّات سیز شای کمین آتلدی یولا
گچان باسیب گچدی حتّا چاغاجیق
آورانیب کُل بولدی ساورلیب یلا
کُل بولسا دا یاپراق گویچ بولدی یره
گُوگردی گویجندن تازه یاپراق لار
مونگلارچه یاپراقی بزادی گُله
آقدریب آرادان دُرجا آریق لار
ساری یاپراق بلیب قالدی بیر زادی
بو یازغیت لار بولا بولا گلیان دور
نه الکی اُوزی دور نه ده هم سونگقی
اهلی باغلار گوره گوره گلیان دور
شاخادا بلنسین یاپرانگ قیماتی
قاچسادا شاخا دان قویلسن قادیر
اُلار دنیامیزینگ گلشگی باغتی
یاپراق سیز عالمده تاپیلماز ماهیر
آریق :چشمه
ماهیر:مهرو محبت
چوپان
چیقسانگ دُوز میدانا گررسنگ چوپان
شیله ده بیر آق اُوی بیر یآراق کُوپگ
قوینلر آرام دا گاوشاب یاتان
ایچندا باش گچی بیر قوچ بیر اشگ
دینگه گوزینگ بیر طارابغا چاگلایب
اُترماغین آیلا ،ساغینگ سولینگا
چوپاننگ تویدگین اِشتیب دینگله یب
اُویلانغین !یاشایش،واطان ،ایلنگا
ینه باقسانگ یاغشی سین ناظار بیلان
گرنیار اُل یاندا بیر گوزل زنان
گویا یوغرلیب دور باهار یاز بیلان
یورگنینگ گینگ لیگی بیر عالم جاهان
چوپان قوین باقیب چکسه ده زحمت
زناننگ زحماتی اوندان دا یوکار
یکه لیگ دن کویب گُرسه ده محنت
گمانیم دنگلاشماز بیر بولیب خاطار
الینده بیر چاغا گِورده اُوغلان
دُیدرمان غصّاسین یوزی یابقلی
قازان دا سوید دُلی مشگ ده آیران
اُدین توکه نایسا یایناب تابمالی
شیله بیر یاغدایدا آغیر گونلارده
چوپاننگ بیر دوستی گلدی شهردن
هر زادا اُنس بریب گوزی سین لاردا
قزاردی گوزلاری غامدان قاهاردان
باقیب اُل دُستینه دیدی بیر سوزی
گِل سن شهره بوگون مال لارینگ ساتیب
قوی سن اُوز ارکینه داغلاری دُزی
شهرده خوش یاشا آرکاین یاتیب
چوپان دیدی ساغ بول عزیزم یولداش
خوش بول سن شهرده شاد بیزهم دُزده
سویب مانگا بلیان بریارسنگ گنگاش
یونه صحرا بو گون عشوه ده نازده
نصیب ادسن سانگا دار کوچانگ هاولینگ
آل هزل بازاردان بارق دان کتاب دان
اینگده شاراسین بیر شاخی تاولینگ
چوپانا توهیرینگ بولار ثوغابدان
من سانگا ماتاج درن سن بولسانگ مانگا
دیب بولماز بو ایش یاغشی اُل تلگ
هر ایش ده استادلیق تاپلیب دینگه
قالجانگ لیق گرگ دور یالتانما درگ
قارلاواچ
تازه یل دا بویل دا گچان یل یالی
قارلاواچ لار ینه اوبا گلیب دی
اُزگاریب طبیغات اُیدگاشیب حالی
یازدیب داشلاردا باغرین دلیب دی
اُزاق یول لار آشیب گلن قارلاواچ
گوزله یاردی یاساب گیدن جاینی
گوره سی یاداو دی قارنی بولسا آچ
نه یولین تابیاردی نه ده اُوینی
سبابی قارلاواچ جاین شول زامان
بای تامننگ ایوانندا سالیب دی
گوزل دی گوزینده بو یاغتی جاهان
انسان لانگ یاغشی سین بایی بلیب دی
بای آقا الکی لار بلیاردی ثوغاب
قارلاواچ جایننگ بولماغین اُویده
یونه سونگرا دیدی بوده بیر عاذاب
یقدی قوشنگ اُوین اُیاد دیب بیزه
بای اُوین تابسا دا تابمادی اُوین
قالمابدور آصلندا عالامات نشان
بای آقا توتیب دور بایرامین توین
ایوان دا اُینادیب قیز گلین جوان
بو گون غاملی بولیب قوشنگ یورگی
دُزلره چقیب دور اُؤینه باتیب
بایلارینگ قوشلاردان نامه گرگی
یگ گُریب اُزلرین ملّگین ساتیب
قارلاواچ ینه ده توتدی تُتمین
بجرماگه جاین ینه بیر گزاگ
آرتدریب غایراتین گویجین جدامین
قاریبا یاناشسین بایلارا درگ
درگ:به جای
دپ بولدی
تانگری دان یازغید می ظلم می جزا
ا ل لری بولاشیبان قانا کوپ بولدییاویزمصیبت می اذیتمی ازا
آلداب قازانج ادماگ اُوینه چؤپ بولدیمکا گا قیلسادا انسان زیارات
یوراگدان ادمایار الله غا طاغاتبایلار دا قالمانی انصاف قاناعات
عالم لانگ سوزلاری یونه گپ بولدیارکک لانگ بیری دال باری بُلانی
دینگه بولیار دیماگ آغزا گلانیپکرینی چاشریب قیزی گلینی
ایل گوننگ قازانجی قیزه سِپ بولدیگرکلی بیلمانی یالانا دلیل
نپسننگ الینده قالدیلار ذلیلقارشینگدا انسانلار یار ربیم جلیل
حاقیقا قارشی دابه چپ بولدیقدری بولمان هر نه عاقل بولاننگ
دوغری تلک یاغشی یامان بیله ننگهر نه سیلاغ تنتک پولّی گلاننگ
یامان لار سیلانیب ساده دپ بولدی
طبیغات دا دُران کا بیر واقعا
خایرانا قویّان دور جمله جاهانی
اُود آلیب جنگل لردؤنیار ویرانا
اؤلدئریار سیل لار اِم غاپیل یاتانی
اِراب دور قطب دا اپاسلی بوزلار
دؤزلار هم یتردی اؤنکی ساپاسین
قاچیب دور گُرکندن رنگ به رنگ گویزلار
قش تومس برمان دور یاغشی هواسین
باقیب تلوزیونا دنگلاب خابارین
اشتان خابار لامدان بولمشام خایران
یرده تترماگدان قویدی اثرین
دارغادیب جایلاری جانلاری قربان
ینه باشقا خابار اشتنگ آداملار
بو گون جوشا گلدی دنگیز دریالار
خوشلیق لار آزالیب کوپلیا رغاملار
اُیلدریم دان اُرکیار سویجی رؤیالار
خابارلار دا ینه شیله گلیبدور
بیر ناچا یورتده دُرابدور توزان
گل لرینگ قالپاسی دم سیز سُلیبدور
توسّه لی دُمان دور شهر لار بزان
دیلیار یل یلدان آزالیار یاغیش
کملیار دریا دا گؤول لرده سولار
گچمیش یالی دومان باغلار دا ایمش
گُرنماز بولدیلار گوکلارده قولار
ساناسانگ ساناردان کوپ بولار سانی
طبیغاتدا گُریان هر بیر واقعانگ
یازیقلی بلیارلار بو گون انسانی
دیدیلار عهدینگه هانی ادن وپانگ ؟
یاقیار لار آداملار دُؤرلی یانغجی
آویلی توسّه سین بوشادیب هاوا
قاچریب الیندان آلمازی گنجی
عالما ظلم ادیار اوزینه جپا
طبیغات بیزلره دال اکن میراث
بلکی امانات دور باش گونلیک بیزه
جاهان طبیغات سیز غمخانه دور یاث
گلینگ دوس بولایلینگ داغ دنگیز دُزه
ترجمه :اخبار طبیعت
برخی از حوادثی که در طبیعت رخ می دهند
جهانیان را به شگفتی وا می دارند
جنگلها آتش می گیرند و به ویرانه ای تبدیل می شوند
و چه سیل هایی که به راه می افتندو انسان را به کام مرگ می فرستند
یخ های زیادی در قطب آب شدند
بیابانها صفای گذشته خود را ندارند
پاییز رنگارنگ دیگر مثل گذشته زیبا نیست
همین طور زمستان و تابستان حال و هوای سابق خود را ندارند
زمانی که از تلوزیون به اخبار گوش می دهم
از خبرهایی که می شنوم شگفت زده می شوم
زمین هم ردپای خودش را با لرزش خود برجای گذاشته است
چه خانه هایی که بر اثر آن نابود شدند و چه انسانهایی که جانشان را ازدست دادند
باز ای انسانها خبر جدیدی را بشنوید
امروز دریاها به جوش و خروش درآمدند
و به خاطر ترس از صدای سهمگین رعد و برق رؤیا ها وحشت زده شدند و
شادیها کم شدند و غمها زیاد گشتند
باز در خبرها چنین آمده است
در بعضی کشورها گرد و غبار به هوا بلند شده است
و به خاطر دود ابر سیاهی زینت بخش شهرها شده است
گلهای زیادی خفه شدند و مردند
گفته می شود سال به سال از میزان بارش باران کم می شود
وبه همان نسبت ازمیزان آب دریاها و تالاب ها کاسته می گردد
و درختها مثل گذشته میوه نمی دهند
و پرنده های زیبای قو نیز از آسمان شهر رخت بر بستند
اگر قصد شمارش داشته باشیم
اتفاقات طبیعت در آمار نمی گنجند
و به خاطر همه این اتفاقات انسان را مقصّر می دانند
واز او می پرسند چرا به عهد خود وفا نکردی؟
انسانها مواد سوختی بسیاری را می سوزانند
در حالی که دود مضر آن به هوا رها می شود
و با این کار خود ثروت عظیمی را از دست می دهند
وبه جهان و جهانیان ستم روا می دارند
طبیعت میراث گذشتگان نیست
بلکه امانتی است چند روزه در دست ما انسانها
جهان بدون طبیعت بیشتر به ماتمکده می ماند
لذا بیایید با کوه و دریا و بیابان دوست باشیم
دورمیش دنیامیز
دورمیش عالمنده دُران دنیا دا
عجیز لار خور بولیب قالدی دریا دا
هیچ بیر زاد دال اکن گورکانا گوزل
یوراگدن قوشمایار شاخیر دا غازال
هیچ بنده سیلانماز خاص بولسا قاریب
یامانی واصپ ادماگ شاخیرا نصیب
گُرنیار یول لاردا آرتندی توزان
ایش سیز بولیب یاشلار بیخوده گزان
آقماز بولیب داغدان یاش یالی چشمه
ایمش قاچدی باغدان ساچاقدان بشمه
قیز گلین ادب سیز ،گوزینده مودا
اَرلار اِم قوری آغاچ اُدین دور اُودا
دورمیش دنیالنگ خوری آتا هم انا
غام بولیب یتیم لار آغلاشیار دینگه
دونیگ لیگ بولیب دور هر کیما قاضی
آقلایجی عایالی قارالان اوزی
قلب بولیب آدامدان آلنیب پارا
ظلم ادیب بنداگه سالنیار یارا
انسانلار غصّا لی یوزلاری توتیق
شادلیق دا خوش لاشدی ،شاماق دا باتیق
دویغی دنیاسی
دویغی عالمنده دُران دنیا دا
دونیگ لیگ غارق بولیب قالدی دریا دا
هر بیر زاد یریندا گُرکانا گوزل
گوزلرده مخبّت دیل لرده غازال
هر بنده سیلاغلی شا بولسین قاریب
یاغشی نی واصپ ادماگ شاخیرا نصیب
گُرنماز یول لاردا آرتندی توزان
تاپیلماز ایل لرده بیخودا گزان
آقیب دور داغلاردان یاش یالی چشمه
باغلاردا ایمیش لار ساچاق دا بشمه
قیز گلین ادبلی عاقلّی عاریب
واصپنا سوز یتماز ادلسه تاریب
دویغی دنیانگ شاسی آتا هم انه
یتیم لار خوش بولیب گُلیار لار دینگه
وجدان دور هرکیمنگ ایشنده قاضی
قسمتا بوین دور تاقدیرا راضی
قلب بولیب آدامدان آلینماز پارا
ظلم ادیب بنداگه ،سالینماز یارا
المدام انسانلانگ یوزیندا گولکی
شبه سیز جنّت دور بو مکان بلکی
باقماق گرگ
کا لار اِراب گوز یاشلامیز
سیل لار بولیب آقماق گرگ
قایغا یوغرلان باشلامیز
عشق چشمه دن یاقماق گرگ
هاولقماغین بیر دم قاراش
آیدقین سوزینگ ،سنگین یواش
دشمان بیلان قیلسانگ ساواش
باتر بولیب چیقماق گرگ
بیر نازنین جانا یاراب
باقسا گولیب اُغرین قاراب
کونگلینگ گدیب، باغرینگ اِراب
آی گُرکنا باقماق گرگ
توتقین حاقا شاخیر یوزینگ
حاق ساقلاسین پیس دن گوزینگ
هر ناکسا برمان سوزینگ
سیر ساقلایب بوقماق گرگ
ملک ایران گنج توران روی خوبان سنده بار
غنچه آچیان یاغتی ساچیان ماه تابان سنده بار
گوهر آلماز زر زمرّد لغل مرجان سنده بار
باغری یانیان عشقه کُویّان جانی قربان سنده بار
مقصدی برجای اِدلمیش آرزو آرمان سنده بار
ساز و صحبت عیش و عشرت قوشغی دستانیم مننگ
عاشیق اوغلان گچدی حدّن عهد و پیمانیم مننگ
سویگی لینگی اُو دا یاقما درده درمانیم مننگ
عشقنگا قایم بولار من دین و ایمانیم مننگ
بویلاری البرز صفتلی توغ ایران سنده بار
باهار یازلانگ تُمس گویزلانگ دنگیز داغلانگ قاری سن
جمله سازلانگ دُزده قازلانگ عشوه نازلانگ باری سن
سویجی سوزلانگ جادی گوزلانگ گُرگلی یوزلانگ یاری سن
عالم ایچره یاغتی ساچیان بارچا قیزلانگ حوری سن
سوزلرینگ جانا یوقملی سویجی دستان سنده بار
بیر سوزینگ اشتماگا ماتاج من خریدار بولمشام
یار سننگ من حاسراتنگدا خسته بیمار بولمشام
سنگ عشقنگدا اگرالیب من خط پرگار بولمشام
دُکسالار ده قانیمی ظاهر پدیدار بولمشام
گِزسا هوشی یاتسا دُویشی مست و حیران سنده بار
ایللانگ آراسندا کهنه گچمیشده
یوقیم سیز دابلارهم بولدی دورمیشده
سورامان قیزیندان ناظارین اوین
داقیب بیر قارّیغا توتار میش توین
سونگرالار داب بولیب سورالدی یگیت
آنگرسی ایگ میکا یا قارا باخیت
قیزنا بولسا دا اوغلان مناسیب
قیز هم چندان گوزل عاقلی عاریب
آلاردیب گوزلارین آتاسی قیزا
مناسیب دال یگید دیاردی بیزه
بیر سوز آیداربولیب عاشیق یگیده
دیار دی قولانگی آچ قین اوگیده
بیر ناچه سوزم بار سن دنگلده اشید
امید لانگ الدور ده آرزولانگ کوشید
هرکیم بو دنیاده قاشارمیش دنگین
قل قلی سیلارمیش بگی ده بگین
هرکشی کملگنی بلمگی یاغشی
ایگلارینگ قل لاردان کوپ بولار پارخی
سونگرالار دیدلار بای برار بایا
گِون ادیب قیزلارین بیرمز گدایا
اویدگاشدی پکرلار زمانلار گچیب
یولا گلیب ایگلار تاصیب لارقاچیب
دنگلاشیب شا غریب بایلری قلی
ایل گونلار شاد لاندی بیر بولیب دلی
سویان لیگمی سن بیلمادینگ
هر آلماننگ ناری یوقمی
سارالسامدا سن سولمادینگ
هر عاشقنگ یاری یوقمی
بو عجایب سوزلانگ بیلان
جادی لایان گوزلانگ بیلان
حور صفتلی یوزلانگ بیلان
گل غنچاننگ باغی یوقمی
سن اقرارینگدا دُرمادینگ
حالیم گلیب سن سورمادینگ
من گُرسامدا سن گرمادینگ
سویشماننگ چاغی یوقمی
عشقا وپادار بولاننگ
سوز برشیب سوز آلاننگ
یوز دیرالیب مونگ اُلاننگ
داماریندا قانی یوقمی
یارینا اُغرین باکاننگ
عشق اُدینا جان یاکاننگ
گوزدن قانلی یاش دُکاننگ
تن ایچنده جانی یوقمی
ارکانا بختیار یاشاجاق بولساق
آنگلایب بار لایب بیلماگمیز گرگ
اوسش داغلاریندان آشاجاق بولساق
آنگلایب بار لایب بیلماگمیز گرگ
تانگری قاسام ایچسه یازیان قالاما
واجب قلیب بویرسا رسول بلیما
ارزش قویان بولساق اُوقو علیما
آنگلایب بار لایب بیلماگمیز گرگ
آرکالاش ساق عیال ارکک اوغول قیز
گیجالر یاتمانی کوسانساگ گوندیز
دیساگ قول آستندا قالمارس هرگیز
آنگلایب بار لایب بیلماگمیز گرگ
یوراکدان ایستاسگ قاراش سیز لیغی
ایله پاراخات لیق ساواشسیز لیغی
جهان مچورینده اورش سیز لیقی
آنگلایب بار لایب بیلماگمیز گرگ
ماقصادیمیز بولسا انسان راحتی
خوشلیق بیلان گچسا هردم ساعتی
ایل ایچره تابماقا عزت حرمتی
آنگلایب بار لایب بیلماگمیز گرگ
آرزومیزدا بولسا گوکلارده اُچماق
علملا نگ قاپی سین بیر بیردن آچماق
اوزیمیز بلیب ده ایل لره ساچماق
آنگلایب بار لایب بیلماگمیز گرگ
دیساگ خیال لارمیز یاتیب قالماسن
امید باغچاسندا خیال سولماسن
خور بولیب دنیا ده خلقیم اُلماسن
آنگلایب بار لایب بیلماگمیز گرگ
سویماندور ملّگی تانگری بیزلره
خاص لایب اوزینه شیله خصلاتی
ایچنده انسا ننگ نفس امّاره
گویچ سیز ایمانلارینگ الهنج آفتی
ایشنده نفسیمیز دال اکن یالنگیز
یاننگ یولداشی بولیب دور شیطان
آزدریب ا نسانی گیجه هم گوندیز
دردلره قویاندور گورنماز دشمان
باشقادا انسان دا نفس لانگ بیری
دیلیار قرآن دا آدینا وجدان
بنداننگ بولایسا اعمالی اگری
تلک ایشلاریندان ادرمیش پشمان
ینه گویچلی نفس بار دور آدامد ا
آنگر باش انامدار نفس دور آدی
گوزله سنگ تاپار سنگ تامیز انامدا
اشتلار دینگله سنگ یاغشی فریادی
اویماساق شیطانا آچا ساق گوزی
جنت ایچره بولار جایمز حکمان
نفس اماراغا برمه سگ سوزی
تانگریمز برجاگ میش پایمیز کمّان
باختنگ اُچیب پرواز قیلسا آدامزاد
شُول گون بختیار لیق بگنج دالمی دور
قُولا دوشسا بیر نازنین پریزاد
قُل قاوشریب دورماق قوانج دالمی دور
ینگشا یتشدی هر بیر ساواشنگ
گوزلانگدان توتاشدی جانی یاکیشنگ
منی مجنون قلان اُ ل سنگ باقشینگ
عشقه کویماگ قمّاتلی گنج دالمی دور
سور یارینگ سانگا گُلیب باقماسا
نصیختنگ اِشتیب سوزینگ توتماسا
شرین سوزلار بیلان خابار قاتماسا
تنه عذاب جانا ایمنج دالمی دور
دنیا ده بار بولسا بیر جه هنارینگ
شادلیق دوستنگ بولار بگنج هم یارینگ
قشنگ یازا دونر گلسه مارالینگ
هنارمندلیگ بیگ قازانج دالمی دور
آغیر گونلارینگده اِ لدن توتاننگ
یاویز گیجه لانگده جان دان اُتاننگ
غاملی یل لارینگدا دادا یتاننگ
مهربان قارداشینگ دایانج دالمی دور
تو.یلی گوننگ خوشخا ل بولیب اُوینایان
یاسلی گوننگ غاملی بولیب یاینایان
دوس دیب قوشاغنی قایم باغلایان
وپالی دوس سانگا بوی سانج دالمی دور
ایشی اویلانشیق لی بولماسا انسان
سونگرا پشمان ادیب جفا چکمازمی
اندیشه سیز گزسه آواره هریان
بیهوده یادایب درین دکمازمی
انسانا ساتاشسا بیر دردلی ازا
دعا قلیب ایستار الله دان شفا
دردنه تابماغا بیر مرهم دوا
داغی دوزی گوزلاب جاهان سکمازمی
یگید ینگ بولماسا الینده مالی
قایغی دریا سنده قالار خیالی
دشمانا اورلسه محرم عیالی
بیل دن اسغین قاچیب دیزا چکمازمی
بلا بولیب اینسه یاغمیر آسماندان
کیم قاچیب قوتلجاق چقیجاق جاندان
کافر اُلسا پای سیز قالیب ایماندان
جهنم اودینه تنن یاقمازمی
عالمی کشت ایلاب گر غریب شاسین
دنیا کونگل بریب ادمه ثناسین
مسلمان ایسته سه جنت صفا سین
قیامت اُرجاغنی بو گون اکمازمی
جادلـــــــی گوزلرنه ینــــــه بیر یولا
سویگی کوشگین سا لیــب سوکانیم قالدی
بارمیکا سویگی ده بیر اصل قـــــــــــادا؟
عشقــــــا بـــوین انگیـــب چــوکانیم قالدی
من سویاســـــام الام سویار اُوی ادیـــب
باغــــریمی یــار اوچین کوشک جای ادیب
اُوتریب من یگیت لیگمی ضـــا ی ادیب
عشـــــــق اودینـــــه بـــاغریم یاکانیم قالدی
گلیــــــاردی یادمـــــا قـــدّی قامــــاتی
دنــگا اسلاگیــــــم دی خوشلیـــق راحتی
عشقنــــدا چکـــــاردیـــم آخمر حاسراتی
واخ آرمــــان دیب حاسرات چکانیم قالدی
گـــــرردم من یـــــاری سیــــله چکاندا
آستــــــه باسیـــب خستـــه جانیــم یـــاکاندا
عمّــــان گوزلار بیــــلان قــاراب باکاندا
عشقنـــــگ گامــــــی سنــی داکـانیم قالدی
بیر گوراسام یاری کونگلیم خوش بولار
بـــــــادا ایــــــچسم الّاریـندان نوش بولار
من بیلمــــادیم ولیـــم ایــــزی بوش بولار
جانیـــــــمی تازه لاب باکـــانیـــم قالدی
معشوق عشقا دوشیــــب سویــــب باقماسا
ســــویــن یاریــم دیــب گُریب بولماز هیچ
عشق اودینـــــه سینــــه سنــی یـــاقمـاسـا
آلیـــب جـــام شرابــن اچیــب بولمــاز هیچ
قاننـــــدان گـــل دُرار آرمـــان اُلاننــــگ
آغــــزیندان بـــال دامـار معشوق بولاننگ
بوش گپــه خوش بولیب هارلاب گُلاننگ
سوزنــــی بیـــــر پـــولا آلیـب بولماز هیچ
عاشقنــــــگ معشـــــوقا بولماز خاطاسی
هیـــــــچ قاچـــــان کِمـــلماز قمّات باهاسی
بولمــــاسا یـار یـاردان خـوشلیق ساپاسی
یــورگ دویـغی لارنی چا تیب بولمازهیچ
پاهیــم پایــخاس گــرگ ســوزی آنـگمانا
قوجـــــر غیـــرات گــرگ یـــوکی چکمانا
ســوزی ســـایغار مــایان هر بیـر انسانا
آیــــدمن ســــــازنی چالیـــب بــولماز هیچ
من باتـر دیـب ناحـاق النگ قان ادسانگ
آدام اوغلیــن خـــورلاب ظلم کان ادسانگ
هر نه پــا سیق بیـلان جانا جان ادسانگ
عــــادالات الینــــدان قاچیــــب بولماز هیچ
یتیمــی گُرنــــگده گُــولیب باقمـــاسانگ
نپســـنگی زنجیــــرلاب چکیب داقماسانگ
عشــــق اُدنه جگر باغرینگ یاقماسانگ
یــــورگی چیـــــن سویگا آچیب بولماز هیچ
یاشلیـــــــق بیــــر دِر اِورلیـــب گلمـــاز
دنیـــــــا ده چیــــن عاشیق هیچ قاچان اُلماز
قارّی لیق حاسرات دور ساپاسی بولمــاز
عُمیـــر پاســــلی گچــسه تاپیب بولماز هیچ
باقسالاردا سینچی لار سنگ گل صفت لی روینگا
گوزلرین حایران قیلارسن حور صفت سیمانگ بیلان
بندی قیلسانگ بو عجیزی اُوز پریشان موینگا
رحم ادیب بیر دم اُتیرغین عاشق شیدانگ بیلان
چکمیشام من سن دیب سویگینگ ازا هم آجی سین
گزمیشام من یار دیب صحرا ،دنگیز هم قوری سین
مونگ امید آرزو بیلان عشقنگ منیب من گامی سین
بیر سویب گردابا سالغین سن منی سودا نگ بیلان
گیجه لار ده تا سحر یالنگیز اتیرن یار دیب
بولدی بیمارخسته جانیم بیرجه گورما زار دیب
باغچه لامدان قاچدی گل لار قالدی ایندی خار دیب
گیجه لار آتسین بو دانگلام سویجی دویش رویانگ بیلان
جمال آیدارگل عزیزم ایندی رحم اد حالیما
سنگ عشقندا کول بولیب بادا ساورلان سالیما
آغتارار من باخت کتابین یار چقار دیب پالیما
سن آلدینگ صبر و قراریم نازباقیش ایمانگ بیلان
از نظرات و پیشنهادهای سازنده شما استقبال می کنم