گوز اونگنه گتر

 گتير سن گؤزلرینگ اؤنگينه                       

 جئدان سایدی  حوا ، آدام

 باراردئق حور ملک دنگينه                           

 توتامازدئق بو گون ماتام

 گِلامازدئق بو گون دونیأ                           

 گزه‌ردیك بیز بهیشت ایچره

 بو بیر کابوس اوُل بیر رویا                       

 گيدردیك بیز صفا سیله

 اؤلیم آدلی یسر زادی                         

 گورامازدئق بیز  هیچ  قاچان

 یاری یاردان آیئرمازدی                         

 تابئت ساتئپ کفن بچـِن

 نه غارریماق باردی اوندا                 

 نه ده سئرقاو، نه ده کسل

 نه ايسله‌سه بنده شوندا                       

 تایيار بولاردی شول ماحال

 شول گونلره یتمك اوچین                    

 ایندی بیزده‌ن گره‌ك همّت

 گونأ لرمیز اؤتمك اوچین                        

 قـول دان توبا حاقدان عزّت  

 

بهشتنگ حویری

دیديم بوجاهان دا بولار می تایئنگ

دیدی مانگا منگزه‌ش، بهيشتينگ حویری

دیديم باشغا یارا  کؤنگول باقمایار

دیدی بو گون یانئپ کول بولوپ چویری

دیديم چئقارمازمئنگ غامی غورساق دان

دیدی آنگساد اِت سن غوصالانگ تانگری

دیديم بو دردلره بولارمی درمان

دیدی مونگ عاشئق دان تاپارمئش بیری

دیديم ناظار سالسانگ  بوعجیز زارا

دیدی خورا باقماز یاش یگیت پیری

دیديم سؤيیأن لردِن بارمی اؤزگه‌سی

دیدی بو دونیأده یکه سن دیری

دیديم منينگ کمین کؤپ دير عاشئقلار

دیدی چئن سؤیگی سیز، گؤرينمه‌ز خایری

 دیديم سن عشئغما  برسه‌دینگ  کؤمک                   

دیدی یاردئم اِتمز تانگری دان غایری

ایلدشمه سالام

یاد یرلرده یالنگیز غالان ایلدشیم

تویس یوره‌كدن سانگا ایبریأن سالام

دوغانئم  سئرداشئم هم ده  یولداشئم 

بك باشئنگ دك غالسئن هر هاچان مئدام

 

بيلیأرين آلئس دا بولسا دا گؤورأنگ

غورساغئنگدا واتان دیييپ اوریان دئر یؤره‌ك

کؤنگلينگده کویسأپ سن  غادیمقی دؤورأنگ

غیغئریان سئنگ مانگا اؤز ایليم  گره‌ك

 

بلکی ده دوشیأن دير سنينگ یادئنگا

اوبا لاردا ایلينگ دوزلرده غویون

گؤریأن سينگ دويشينگده یاتان بادئنگا

چاغالئق چاغئنی شادلئق لی تویون

 

بلکی ده بارلی سن دونیه مالئندان

یؤنه بلیأن غاريیپ لئنگنگی کؤنگولده‌ن

سوراشئب، ائیزارلاپ واتان حالئندان

تایئن سئنگ گِلاسا  هر خئذمات الده‌ن

 

یؤنه بیل گين  شونی هر یرده بولسانگ

سنينگ باغتلی بولمانگ ایلينگ آرزووی

آچئق دئر غوجاغمئز هر هاچان گلسه‌نگ

یول لاردا  غالان‌دئر ماغشوغئنگ گؤزی

قرآن

اینه‌ن دير تانگری دان کتاب رسولا

هر سورا، هر پارا، هر بیر آیاسی

بندأ هدایات دئر سالار آق یولا

کؤنگله شک گتيرمه یوقدئر حیله سی

 

تانگریمئز دؤره‌تدی داغلاری دوزی

باغش اِتدی بیزلره گؤرمأگه گؤزی

بیر قئسئم توپراقدان یارادئپ بیزی

حوّانئنگ بالاسی، آدام چاغاسی

 

بنده بولوپ حاق رضاسئن تاپماغا

 توبا قئلئپ یالنگئش لارنی یاپماغا

"براغ" منیپ جنّت لرده چاپماغا

سحرلر یاش دولار گؤزينگ خاناسی

 

آدام اوغلی غالار اویوپ شیطانا

نفسينه دوست بولوپ غانیم راخمانا

عاصی بولوپ قاضی بولان وجدانا

دونیأنينگ سرگردان هم آواراسی

 

جمال سن تایئن مئنگ موندان گؤچمأگه

سؤیه‌ن زاتلانگ غویوپ بارئن گچمأگه

آیرالئق شرابئن غانئب ایچمأگه

آجالئنگ دوُلاسا مِی پیماناسی